ജലപീ‍രങ്കി
മനുഷ്യക്കടലിൻ പള്ള തുരന്ന്
കുടലും പണ്ടമെടുക്കുമ്പോൾ,
കൊലവെള്ളത്തിൻ വിളയാട്ടത്തിൽ
മരണമഹാനദി പിറകൊള്ളും.
ഉടനെ സുപ്രീം പവറുകൾ പറയും
തമിഴ് നാടിന് വെള്ളം കിട്ടാന്‍
ആ നദിയില്‍ത്തന്നെ അണ കെട്ടാം!
അപ്പോള്‍ തര്‍ക്കം അതിലായ് മാറും.
പടുന്യായങ്ങള്‍ അതിലും തുടരും.
നാണംകെട്ട കേരളത
ചങ്ങലയിട്ട കാവല്‍പട്ടികളെക്കാള്‍- കഷ്ടം
വടക്കിനെ നോക്കി
അന്നും ഇന്നത്തെപ്പോലോരിയിടും.
ശേഷം ചത്തു മലര്‍ന്ന ചീഞ്ഞ ശവങ്ങള്‍
നഷ്ടപ്പെട്ട വോട്ടുകളായി എണ്ണിത്തീരും.
കെടുതികള്‍ മാറ്റാന്‍ കേന്ദ്രം
എല്ലിന്‍മുട്ടികളിട്ടുതരും.
പിന്നെപ്പരനാറികളെല്ലാംകൂടി
അതിന്മേലാകും കടിപിടിലഹള.
അത്രേയുള്ളൂ...ഇങ്ങനെപോയാല്‍
ഇക്കാര്യത്തില്‍ നമ്മുടെ ഭാവി.
********************************
നട്ടെല്ലികളാം നരവംശപ്പട
കാര്യം കാണാന്‍ കഴിവുള്ളവരായങ്കംവെട്ടി
മത്സരഗതിയില്‍ മുന്നോട്ട്.
കഴിവില്ലാത്തവ പിന്നോട്ട്.
2 comments:
ശക്തമായ പ്രതികരണങ്ങള്‍ കവിതകളായി ഇനിയും പിറക്കെട്ടെ... ആശംസകള്‍
വര്‍ത്തമാനത്തിന്റെ ആകുലതകളും വിഹ്വലതകളും പന്ഗ്ഗു വയ്ക്കുന്നു ഈ കവിത ....ഈ ശബ്ദം ഉയര്‍ന്നു കേള്‍ക്കട്ടെ ഇനിയും ....എല്ലാവിധ ആശംസകളും....
http://pradeep-ak.blogspot.com/2011/11/blog-post.html സമയം അനുവദിക്കുബോള്‍ ഇതൊന്നു ശ്രദ്ദിക്കുമല്ലോ ....
Post a Comment