ഐ.ഡി എന്ന ഹിന്ദി സിനിമ

• നാൽ‌പ്പത്തിമൂന്നാമത് ഗോവ അന്താരാഷ്ട്ര ചലിച്ചിത്രോത്സവത്തിൽ പ്രദർശിപ്പിച്ച ഐ.ഡി.എന്ന സിനിമ ഏറെ ശ്രദ്ധിക്കപ്പെട്ടു.
  മലയാളിയായ കമൽ കെ.എം ആണ് ഇതിന്റെ സംവിധായകൻ.
• അദ്ദേഹത്തിന്റെ ആദ്യത്തെ സിനിമയാണിത്.
• ഇതൊരു പൊള്ളിക്കുന്ന ചിത്രമാണന്നു പറഞ്ഞാൽ അധികമാവില്ല.
• മുംബെയിലെ അഴുക്കു നിറഞ്ഞ ചേരികളും
  അതിൽ നുരിക്കുന്ന മനുഷ്യരുമാണ് ഇതിന്റെ സെല്ലുലോയിഡ് പ്രതലം.
• ഇവിടന്നാണ് കുറച്ചുനാൾ മുമ്പ് സായിപ്പ് “സ്ലം ഡോഗ് മില്ലിണയ‘റെ
  പിടിച്ചുകൊണ്ടുപോയത്.
• അന്നത് കണ്ട് ഓക്കാനിച്ച് ചിരിച്ചായിരിക്കും ആ ജൂറിമാരതിന്  ഓസ്ക്കാർ അവാർഡ് കൊടുത്തിണ്ടുണ്ടാവുക.
• അതു മനസ്സിലാക്കാതെ ആ അവാർഡിൽ വെറുതെ പുളകം കൊള്ളുന്ന
  ഇന്ത്യയിലെ ആഢ്യന്മാർക്കുള്ള  മറുപടിയാണ്  ഈ ചിത്രം.
• എവിടന്നോ വന്ന് എങ്ങനെയെക്കയോ ജീവിക്കുന്ന മനുഷ്യപ്പറ്റങ്ങളുടെ വലിയ ചതുപ്പാണ് മുംബെയിലെ ഈ ചേരികളെന്നത് കുപ്രസിദ്ധമാണ്..
• അവിടെ  ഒരന്യ നാട്ടുകാരി പെൺകുട്ടി തന്റെ ഫ്ലാറ്റിൽ ജോലിക്കുവന്ന്  മരിച്ചു പോയ അഞ്ജാതനായ ഒരു മനുഷ്യന്റെ മേൽ‌വിലാസവും തിരക്കി ചെന്നു ചേരുന്നു.
• ഈ കഥാപാത്രമായി വേഷമിടുന്ന
• അഞ്ജലി താപ്പ ഭേദപ്പെട്ട അഭിനയം കാഴ്ച വച്ചു.
• മാലിന്യക്കൂമ്പാരങ്ങളുടെ മുടുക്കു വഴികളിൽ അവൾ നേരിടുന്ന പ്രതിസന്ധികളാണ്
• ഈ ചിത്രത്തിന്റെ കാതൽ.
•  ഇക്കാലത്തിന്റെ കണ്ണും കരളുമായ മൊബൈൽ ഫോണും ഇതിലെ കഥാപാത്രങ്ങളാണ്.
• ഒരു കുട്ടിക്കുറുമ്പൻ  തട്ടിപ്പറിച്ചുകൊണ്ടോടുന്ന ഐ ഫോണിന്റെ നഷ്ടപ്പെടലിൽ തീരുന്ന സിനിമ ഇവിടത്തെ സമകാലീന ചരിത്രത്തേയും പങ്കുവയ്ക്കുന്നു.
• അച്ചുകുത്തിന്റെ ആധുനിക സംവിധാനം നടപ്പിലാക്കുന്ന ഭരണകൂടത്തെയും പ്രതിയാക്കുന്നു.
•  വെള്ളപ്പോക്കം പോലെ വരുന്ന ഇന്ത്യൻ മന്ദബുദ്ധി സിനിമകൾക്കിടയിൽ നമ്മുടെ യാഥാർത്യങ്ങളോടടുത്തു നിൽക്കുന്ന
• സിനിമകളുണ്ടാകുന്നത് ശ്ലാഘനീയമാണ്.
• കമൽ കെ.എം ന് ആശംസകൾ